Janë përplasur shpesh përgjatë këtij sezoni, si “dy gjela në një kotec” për të treguar se kush është më i miri, por ndoshta është koha që të lënë mënjanë meritë dhe të fitojnë. I këtij mendimi është sulmuesi Edinson Cavani, që ka konfirmuar sot se është rënë dakord që penalltitë e skuadrës së PSG-së do t’i gjuajë sulmuesi brazilian Neymar. Dy futbollistët patën një debat pak kohë më parë në lidhje me faktin se kush do ta gjuajë topin nga pika e bardhë gjatë fitores 2-0 që PSG arriti ndaj Lion.
Sulmuesi Cavani u ka thënë gazetarëve se personi i ngarkuar për ta kryer këtë “detyrë” është Neymar. Sulmuesi uruguajan ka shtuar gjithashtu se ky ka qenë vendimi i trajnerit Unay Emery, që duket se ka dëgjuar edhe zërin e skuadrës, e cila ka votuar në favor të brazilianit. Tashmë mbetet për t’u parë se sa do të realizohet kjo gjë kur të jepet penalltia e radhës në favor të Paris Saint Germain, që duket se ka nisur të sheshopjë polemikat për të arritur objektivat.
