Mesfushori i talentuar i Anderlechtit, Leander Dendoncker mbetet në radarin e skuadrave të mëdha evropiane që po e ndjekin nga afër.
Dendoncker po luan që disa sezone në nivele të larta me Anderlechtin dhe talenti i tij nuk ka mbetur pa rënë në sy nga skuadrat e mëdha.
Mesfushori qendror po pëlqehet në masë të madhe nga skuadrat e mëdha evropiane, të cilat duan ta transferojnë në vitin 2018.
Belgu ishte pjesë startuese e Anderlechtit në takimin e të mërkurës mbrëma të Ligës së Kampionëve ndaj Bayern Munichut dhe shumë skuadra kishin dërguar skautët e tyre për ta shikuar nga afër.
Skuadra të mëdha evropiane si Barcelona dhe Manchester Unitedi kishin dërguar agjentët e tyre për zbulimin e talenteve për ta shikuar Dendonckerin.
Përveç këtyre dy skuadrave, edhe skuadra tjera si Sevilla, Borussia Dortmundi, Marseille dhe Milani ishin të gjitha në pozicion për ta parë belgun në veprim.